من نحن — B-Academy

الدرس الخصوصي التقليدي غالي وغير منظّم، والمنصات العالمية عامة كتير وما بتعرف المنهاج الفلسطيني. النتيجة إنه التعليم صار غير عادل بفرصه: اللي معه مصاري ابنه بياخد دعم، واللي ما معه بيضلّ لحاله.

B-Academy انبنت لهاد السبب بالضبط: تعليم مساند منظّم ومتابَع، بكلفة أقل على الأهل، وبمعلّم بتعرف مين هو قبل ما تحجز.

• • دورات على المنهاج الفلسطيني — مسجّلة ومباشرة، مرتّبة بوحدات وحصص.
• • حصص خصوصية فردية — بتختار المعلّم والوقت، وبتحجز من التطبيق.
• • صفوف مباشرة داخل B-Academy — بتفتح بضغطة زر، بدون روابط اجتماعات ولا تحميل برامج.
• • محادثة الصف — تواصل مع معلّمك داخل المنصّة، بدل مجموعات متفرّقة وأرقام شخصية.
• • واجبات واختبارات — بنفس الشاشة مع مواد الحصة.

يعني الطالب ما بيضيع بين ثلاث تطبيقات، والمعلّم ما بيضطر يعطي رقمه الشخصي، والأهل بيشوفوا المتابعة بمكان واحد. هاي أكتر نقطة بتميّز B-Academy عن أي حل مركّب من أدوات متفرّقة.

• • أكثر من 200 طالب وطالبة على منصّة B-Academy.
• • أكثر من 300 انضمام معتمد لمساقات التوجيهي المجانية.
• • 6 معلّمين نشطين بمعدل خبرة 20 سنة.
• • المواد المتاحة: رياضيات علمي، رياضيات أدبي، فيزياء، عربي، إنجليزي، غير منهجي، كيمياء.

معلّمو B-Academy مش طلاب جامعة بيعطوا دروس بالجانب — معلّمون بخبرة ميدانية طويلة، والقبول عندنا مش تلقائي: كل طلب انضمام بيمرّ بمراجعة من إدارة B-Academy قبل ما يظهر للطلبة.

بتحبّ تدرّس معنا؟ قدّم طلب انضمام كمعلّم.

إحنا مؤمنين إنه طالب التوجيهي اللي ما بقدر يدفع لازم ياخد نفس المحتوى ونفس المعلّم. لهيك B-Academy بتفتح مساقات توجيهي مجانية بالكامل، والانضمام إلها بيمرّ بموافقة إدارية عشان كل طالب يكون موثّق ومتابَع مش مجرد رقم.

• • منصّة فلسطينية مبنية للمنهاج الفلسطيني — مش منصّة أجنبية معرّبة.
• • كل شي بتطبيق واحد: تواصل + مواد + بث مباشر + متابعة.
• • بتفتح من المتصفّح على أي موبايل، بدون تحميل تطبيق وبدون مساحة.
• • الواجهة بالعربي واتجاه الكتابة من اليمين لليسار من أساس التصميم.
• • سياسة إلغاء واسترداد واضحة ومكتوبة.

تصفّح الدوراتتصفّح المعلمينسياسة الإلغاء والاستردادتواصل معنا